Selaouit Tri-Zeod bep trede gwener ar miz

Selaouit holl Tri Zeod, war radio Bro, 93.1 Mhz !

Jeunes bretons de Tri ZeodAn amzer trist ha fall e-plas an heol, c’hwezh-fall ar saotradur e plas aer yac’hus an Arvor, stanket eo an henchoù, leuniet mik barr eo ar metro, teñvalded ar Goanv a ro deoc’h sonjoù du, setu emaoc’h e Pariz, en ur gêr dinerzhus, digalonekaus, ha Breizh a vank deoc’h dija.

Dre-chañs emañ Tri zeod amañ evit reiñ deoc’h en dro kalon, joa ha levenez !

Komzet e vo dreit-holl eus an holl draoù graet gant ar vretoned e Pariz, evit en em vodañ, flapiñ, kanañ, debriñ, evañ, dansal ha seniñ, hag evit chom breton. (Piv en deus lâret ez eo tud trist ar vretoned ?)

Evel boaz e kinigimp deoc’h strolladoù sonerezh Breizhek pe Geltiek, strolladoù n’int ket brudet a-walc’h d’hor soñj. Kemerit ingal ho teziataerioù evit merkañ deizioù an oberiadennoù a vez aozet gant ar gevredigezioù a ra war dro sevenadur Breizh amañ e Pariz, Hep disoñjal deiziadoù ar festoù noz hag ar festoù deiz a vo embannet gant Tri-Zeod.

Bez e vo ivez ul lodenn un tammig “intello” e pep abadenn Tri Zeod : sevenadur, istor ha lennegezh (e-leizh !) a vo. Ret eo plijout d’an holl, na petra ’ta ! Da skouer eo bet kiniget deoc’h Kustum Breizh gant animatourien Tri Zeod, da lâret eo : an doare d’ober ar justis da vare an Duged, pa oa dieub ha digabrest Breizh, un doare iskis, fentus pe skrijus a-wechoù – met ivez leun a furnez – d’ober ar justis. Ur “Breiz Quiz” a raio ar c’hontroll-a-ouiziegezh ! Ha marteze ho po un dro vat da c’hounid plasoù-sonadeg digoust…

Setu, Lakait ar c’heloù-mañ da dremen en-dro deoc’h : Selaouit holl Tri Zeod, bep trede gwener ar miz, war radio Bro, 93.1 !

Aucune réaction sur “Selaouit Tri-Zeod bep trede gwener ar miz”

Laisser une réponse:

Nom (obligatoire):
Mail (ne sera pas publié) (obligatoire):
Site Internet:
Commentaire (obligatoire):
XHTML: Vous pouvez utiliser ces balises: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>